Próxima Asemblea

Hai outro punto na orde do día definitiva entre o 2 e o 3 dos que puxo Borja de informe dos grupos de traballo

¿Non se debería engadir, sempre, un punto do estado das contas do que se recauda nas asambleas?

Iso pode incluírse no informe de organización. Por outra banda, a cifra recaudada envíase á lista de correo xunto coa acta

Adxunto os movementos habidos no Círculo Podemos Compostela dende os seus inicios -primeiro apuntamento o 01-03-2014- ata a última asemblea realizada o 03-11-2014. Como podedes ver non se trata dun informe propiamente dito, non temos programa de contabilidade nin, de momento, se está levando unha contabilidade oficial á espera de de ser validados como Círculo e recibir as oportunas instrucións da Comisión de Finanzas Estatal. É todo canto podemos achegar no que a ingresos e gastos se refire.

Hoxe enviáronse á lista de correo do Círculo as seguintes convocatorias:

Boas. Informamos da convocatoria das próximas asembleas do Círculo. Nos dous casos celebraranse na Rúa San Clemente 18 ás 20..00 horas.

VENRES 16: ASEMBLEA EXTRAORDINARIA AVAL CANDIDATURAS ÓRGANOS AUTONÓMICOS

Acaba de comezar o proceso de constitución dos órganos autonómicos de Podemos. Pode consultarse o reglamento aquí: http://web-podemos.s3-eu-west-1.amazonaws.com/wordpress/wp-content/uploads/2015/01/ReglamentoAutonomicas.pdf Para presentar candidatura é necesario que esta sexa avalada por un Círculo. Aquelas persoas que desexen solicitar o aval poderán facelo nesta asemblea. Para ter unha mellor planificación da Asemblea, solicitamos que se envíe un correo electrónico a [email protected] indicando nome, vía de contacto e unha breve descrición. Ademais dos avais, trataranse outros puntos. A orde do día provisional, acordada polo Grupo de Traballo de Organización, é a seguinte:

1. PRESENTACIÓN DE PODEMOS E MÉTODO ASEMBLEARIO

2. INFORMACIÓN SOBRE OS RESULTADOS DO PROCESO CONSTITUÍNTE MUNICIPAL

3. AVAL DE CANDIDATURAS PARA OS ÓRGANOS AUTONÓMICOS

4. TRÁMITES DE VALIDACIÓN DO CÍRCULO

5. VARIOS

Existe un prazo ata o martes 13 para realizar inclusións, modificacións ou enmendas a esta orde do día. Para isto, poden enviarse as propostas á conta de correo do Grupo de Traballo de Organización: [email protected]. Ao remate deste prazo farase pública a orde do día definitiva, tendo en conta as aportacións realizadas.

XOVES 22: ASEMBLEA ORDINARIA

Debido ao axustados que foron os tempos durante os diferentes procesos constituíntes, levamos tempo sen facer Asemblea ordinaria e hai traballo dos grupos que cómpre ir sacando adiante. Polo tanto, convócase Asemblea ordinaria para o xoves 22 coa seguinte orde do día:

1. PRESENTACIÓN DE PODEMOS E MÉTODO ASEMBLEARIO

2. INFORME DOS GRUPOS DE TRABALLO

3. CREACIÓN DO GRUPO DE TRABALLO DE MOBILIDADE

4. SOLICITUDE DE APOIO DO CÍRCULO AO MANIFESTO "COMPOSTELA TERRITORIO MUSICAL" (ver adxunto)

5. POSICIONAMENTO DO CÍRCULO SOBRE O DERRUBAMENTO DA CASA DA XUVENTUDE

6. VARIOS

Para esta asemblea o prazo de modificacións na orde do día permanece aberto ata o venres 17, escribindo a [email protected].

Hoxe enviouse unha nova convocatoria de Asemblea

"Boas. o Círculo Podemos Compostela convoca Asemblea Extraordinaria opróximo xoves 29-01-2015 ás 20.00 horas na Rúa San Clemente número 18. O punto principal da Asemblea vén derivado do debate iniciado na anterior arredor da forma de concorrer ás eleccións municipais. Asimesmo, inclúense os puntos que non puideron ser tratados na anterior Asemblea e un novo punto sobre un evento que terá lugar o 8 de febreiro, antes de que o Círculo realice unha nova convocatoria. Decidiuse poñer un límite de tempo a cada punto para tratar de axilizar os debates.

A orde do día para a Asemblea do día 29 de xaneiro, acordada polo Grupo de Traballo de Organización é a seguinte:

1. PRESENTACIÓN DE PODEMOS E MÉTODO ASEMBLEARIO

2. SOLICITUDE DE APOIO DO CÍRCULO AO MANIFESTO "COMPOSTELA TERRITORIO MUSICAL" (10 minutos máximo)

3. POSICIONAMENTO DO CÍRCULO SOBRE O DERRUBAMENTO DA CASA DA XUVENTUDE (10 minutos máximo)

4. DECISIÓN DO CÍRCULO SOBRE O APOIO Á MANIFESTACIÓN DE QUEREMOS GALEGO DO 8 DE FEBREIRO (10 minutos máximo)

5. DECISIÓN DO CÍRCULO RESPECTO DA CONFLUENCIA CON COMPOSTELA ABERTA PARA UNHA CANDIDATURA ÁS ELECCIÓNS MUNICIPAIS

   5.1 PRESENTACIÓN DAS PROPOSTAS (máximo 5 minutos por proposta)

   5.2 PREGUNTAS, ACLARACIÓNS E DEBATE SOBRE AS PROPOSTAS (2 minutos por intervención, máximo 1 hora en total)

   5.3 VOTACIÓN DAS PROPOSTAS

6. VARIOS

Enviamos, ademais, en arquivo adxunto a acta da Asemblea celebrada o día 16-01-2015.

Acude, participa e difunde! Podemos!"

Boas, o final que se decidiu respecto de Compostela Aberta, ou donde se pode votar¿?¿?

Habilitarase unha votación online entre todos os inscritos de Podemos en Compostela.

Abriremos o noso local esta tarde e mañá pola tarde. Tamén se pode votar dende a casa. Enviouse correo informativo onte co xeito de votar e a información para facelo.

Tamén está no Facebook do círculo.

Convocada Asemblea para o mércores 8 de abril ás 20.00 horas no Afiador.

A orde do día provisional, acordada polo Grupo de Organización, é a seguinte:

1. Presentación do método asembleario.
2. Informe do Consello Cidadán.
3. Informe dos grupos de traballo.
4. Presentación e aprobación dos plans estratéxicos dos grupos de traballo.
5. Proposta de creación do grupo de medio ambiente.
6. Recollida de propostas de fomento da participación en Podemos Compostela.
7. Varios.

Modificacións ata o 3 de abril, por email a [email protected] ou nas vindeiras reunións do grupo, que como as dos demais, son anunciadas neste fío https://www.loomio.org/d/aBlpHXKD/reunions-grupos-de-traballo